في وعاء نضع السميد والفرينة و الملح ورشة خميرة الخبز و ملعقة صغيرة خميرة الحلويات و نجمعهم بالماء الدافي ونعجنها حتا تتجانس المكونات مع بعض حتا نتحصل على عجينة تتلاصق باليد

هذه الخطوة لتسهيل عملية العجن يمكن الاستغناء عنها بمجرد اننا نترك العجينة ترتاح ليلة كاملة بالثلاجة.. في طنجرة الضغط نضع الماء الساخن ونتركه لقارة لي بكون بعجن فيها العجينة ثم نفرغ الماء الساخن الي بطنجرة الضعظ في وعاء كبير و نبلل كيس بلاستيكي بالماء ونضع فيه العجينة نغلق عليها و نضعها في طنجرة الضغط الدافئة و نغلق عليها بإحكام و نضع الطنجرة فوق الإناء لي فيه الماء الدافي هاد الخطوات مهمة جدا تستغني بيها عن الدلك والتعب لمدة ساعة اوساعتين نخرج العجينة نجدها مرتاااحة ومدلوكة جيدا

نضع الفرينة على طاولة العمل ونجمع العجين ادا كانت طرية جدا نبقا نضيف الفرينة حتا تتماسك ادا كانت متماسكة جدا نبل يدي بالماء الدافي ونعجنها حتا نتحصل على عجينة طرية وتتلاصق وتتلاصق باليد نوعا ما...

نقسمها على كورتين نغطيها و نتركها ترتاح خمس دقائق

ثم نرش طاولة العمل بكمية وفيرة من الفرينة ونفتحها رقيقة جدا حتا تصبح شفافة نوعا ما ندهنها بالزبدة الطرية أو المارغرين على كل السطح ثم نرشها رشة خفيفة من الفرينة و نطبقها مثل الصورة ونتركها ترتاح دقيقة ونقطعها مربعات متساويين ونغطيهم بكيس بلاستيكي يرتاحو لمدة ١٠دقائق أو اكتر و نرجع نحلهم بالحلال(الشوبك)رقاق ونفتح كل المسمنات ثم نبدأ نطيب في الصفية(صنية ثقيلة خصيصا للمعجنات)أو في مقلاة تقيلة ندهنها بالقليل من الزيت ونطيبها على الجهتين ونتحصل على أخف مسمن يجي بنين وناقص دسم ومورق توراق