فى بوله هنحط الدقيق الاسبونج (بيجى جاهز من محلات مستلزمات الحلويات وفيه كل المكونات) مع نص كوب ميه دافيه و6 بيضات ونضربه بالمضرب الكهرباء 15 دقيقه باستمرار وبدون توقف لحد ما خليط الكيك يعلى معانا نحطه فى صينيه 26 مدهونه زيت او زبده وفيها ورق زبده وندخلها فرن ساخن على 180لمده 45 دقيقه تقريبا بدون فتح للفرن ولما نطفى عليها نخليها 10 دقايق فى الفرن ثم نخرجها تبرد تمام ونخليها لتانى يوم نشتغل فيها بعد ما نغطيها باسترتش

هنعمل الكريم شانتيه هنضرب بالمضرب الكهرباء الكريمه الخام مع السكر البودره كوبين اللبن الباردين جدا مع رشه فانيليا لمده 10 دقايق فى اتجاه واحد لحد ما يتماسك ونحطه فى التراجع ساعتين قبل الاستخدام

هنعمل الجناش بتسخين الكريمه اللبانى ونحطها فى بوله وننزل عليها بالشكولاته ونقلبهم كويس لحد ما تسيح الشيكولاته وتتجانس مع الكريمه نحط لها الزبده والعسل ونقلبهم كويس ونستخدمه لما يبرد تماما

هنزين التورته اول حاجه هنقطعها 3 أجزاء بسكينه الكيك المشرشره ثم هنسقيها خفيف بالفرشه بالسيرب الخفيف ثم نحط الكريمه بين الطبقات وممكن اضافه كوب الا ربع جناش للكريمه وضربها معاه لطعم اجمل وبعد كده نجلس التورته بالكريم شانتيه باستعمال الاسباتيولا ثم نحط التورته ساعه فى التلاجه الكريمه تشد عليها ونخرجها نحط عليها الجناش ولما يتماسك عليها ندخلها الثلاجه 5ل6 ساعات ثم نخرجها ونزينها بأصابع الفلوتس والشيكولاته النوتيلا بعد ما ندخلها الميكرويف ثوانى عشان تفك معانا