في صحن نحط الرز و اللحم المفروم بدون طهي هكذاك خضر و ندير عليه شوية زيت و حبة بيض عينك ميزانك شحال درتي كمية الرز واللحم معدنوس (بقدونس) شوية ملح فلفل اسود و شويييية قرفة وخلطي المكونات وخليها بجنب

في طنجرة صغيرة نحط الزيت ونرمي البصل والطماطيش والثوم والرند وملح وفلفل اسود وشوية كمون عكري ونخليهم يطيبو على نار قليلة من الاحسن تطيب اي تستوي في ماها باه تجيك بنة واذا شفتيها نشفتلك زيديلها نصف كاس آتاي ماء وغير طيبلك طحنيها بالبرا انا الرند مانحيهش نطحنو معاها

نجيب ورقة الكرنب (الملفوف) كاملة نحطها فوق بول تبسي نتاع شوربة ونحط الحشو نتاعي في قلب الورقة ونعمر عيني ميزاني ونغلق عليها و نحطها في سنيوتي والامانة هاذي الصور اخذتها من فيديو كرمب (ملفوف) محشي لأن وليد باه نقربلكم الفهم

نفرغ عليها الصوص نتاعي وندخلها الفرن باه تنشفلي

والنتيجة تقتللللللل نتحدا اي وحدة تقولك ماشي بنينة

الامانة هاذي وصفة نتاع معلمتي و ملهمتي ام وليد. ربي يجزيها الخير