بالنسبة للعجينة : في وعاء نخلط المقادير المذكورة فوق ثم نبدا نلم بالماء دافئ حتى تتشكل لينا عجينة تلتصق قليلا او نبدا نعجنها حوالي 5د حتى تولي لينا العجينة ملساء ثم نغطيها او نخلبها ترتاح او مبعد نقسمها الى 4 كريات متساوية

نرش فوق طاولة العمل الفرينة ثم نبدا نحل الكريات ديالنا على سمك رقيق حوالي 2 ملم

نسخن الطاجين ديالنا نبدا نطيب نحط الكرية اللولة طيب غير شوية نقلبها او نبدا نقلب فيها كل خطرة حتى تتنفخ او نحوها او هب سخونة نحطوطوها فوق طرشونة او نغطيها باه تبقى طرية متيبسش لينا نكرر نفس العملية مع باقي الكرات حتى نكملوهوم كامل

بالنسبة للحشو نخلطو كل المقادير المذكورة فوق ماعدا الهريسة و الفرماج نخلطو جيدا او نخليه في الثلاجة من ساعتين فما فوق حبذا لوكان نديرو الحشو ديالنا ليلة من قبل باه يتشرب الدجاج ديالنا

بعد من مارينيو الدجاج ديالنا و رتاح نحكمو مقلاة نديرو فيها 3 مغارف زيت يسخنو ثم نديرو هداك الدجاج يطيب كي يطيب نخليو يبرد

نحكمو خبز الطاكوس ديالنا ندهنو فيه هذاك الفرماج ثم ندير شوية هريسة نحط فوقهم ليفريت مع حشو الدجاج اونغلقهم نسخنو مقلاة او نحطوهوم يحمرو اذا عندكم بانينوز هكذاك خير او شهية طيبة