اول حاجة نديروها نحكمو الجاجة ديالنا او نجوز اعليها كامل بالشاليمو والا نحطوها فوق الفرن او نزلفوها شوية باه نحولها كامل هداك الشعر الرقيق

بعد ما نزلفو الحاجة نحكمو كمشة ملح في يدينا او نبدأ نحك بيه الحاجة ديالنا كامل باه نتاكدو بليك حتى شعرة ما بقات فيها نغسلوها او نكونو و جدنا وعاء فيه ماء وخل ابيض و شوية عصير الليمون او نخليو الحاجة ديالنا فهذاك الماء حوالي 10 دقائق باه تنقص هذيك الريحة اللي جاية فيه

بعد مرور 10 دقائق نحو الحاجة ديالنا نشلوها مليح بالماء عادي ثم نشفها كامل او نخليها في جيهة حتى نوجدو لماريناد ديالها

نأخذ طبسي والا وعاء نديرو فيه كامل المقادير المذكورة فوق ماعدا الماء و اوراق الرند نخلطو جيداً حتى تتجانس المكونات مع بعض

نحكمو الجاجة ديالنا بعد مانشفت مليح او نبدأ ندهنها كامل بالماريناد اللي وجدناها من برا او من الداخل او نديرو زوج اوراق رند (غار) من الداخل او زوج من برا نحطوها في بالاطو او نفرغ هذاك الكاس تاع الماء في البلاطو بلاما نقيس الحاجة ديالنا ثم نغطيها بورق الطهي ثم ورق المنيوم او ندخلها الى فرن يكون ساخن مسبقا على درجة حرارة 200° او نخليها طيب من تحت

كي طيب من تحت نحو هذاك ورق الالمنيوم و ورق الطهي او نشعل الفرن ديالنا من فوق في هاذ المرحلة كل خطرة نحلو الفرن ديالنا و بواسطة ملعقة نحكمو هذيك لاصوص او نحطها فوق الحاجة كل 5 دقائق نفتح نجمع لاصوص بالمغرف او نفرغها فوق الحاجة حتى اذا ماكنش بزاف من لاصوص نزيدو نص كاس ماء لهذيك الحاجة او نخليها تتحمر لينا الله الله و شهية طيبة