اول خطوة نديرها نأخذ الفرينة (طحين)+المايزينة+ الملح والفانيلا ونذوب زبدة التوريق نخلوها تبرد ملبح باه ماديرلناش كعابر في العجينة ونبسس مليح ثم نديرو حفرة نديرو فيها حبة تاع البيض ونلم بالماءو بماء الزهر تكون عجينة مليحة ونخليها ترتاح ليلة كاملة قد مارتاحت تعاونا في العمل

ثاني خطوة نديرها هي نرحي الكاوكاو ديالنا كيما اي مثل الطعام ثم نبدأ نكيل الكاوكاو و نواد كوكو (جوز الهند) والسكر ونخلطهم ثم ونضيف قشور الليمون والخميرة والمرغرين ونخلط ثم نبدأ نلم بالبيض نخلوها جارية شوية نخلوها ترتاح ليلة كاملة غدوا منذاك إذا لقيناها شربت مليح نزيدولها البيض حتى نتحصلو على حشو طري يلصق في اليد ماء نقدرو نشكلو بيه

بعد مارتاحت لعجينة ديالنا مليح نبسطها بالحلال ثم نبسطها بالمشينة في رقم واحد عدة مرأة حوالي ٣ مرات ثم في رقم 3 ثم في رقم 5 ثم نبدأ نقطع دوائر حسب المول ديالنا و نوزن الحشو ديالنا ٣٥غ

نأخذ المول على شكل نجمة أو أي مول عندكم وناخذ دائرة اللي قطعناها و نبدأ نسقمها في المول ديالنا ثم نضع الحشو ونعبز بواسطة غطاء القرورة وهكذا حتى نكمل ثم العجينة ألي بقاتلي نطبع على شكل وردات من فوق وندير حبة كاوكاو من فوق

ندخلهم إلى فرن على درجة حرارة ١٨٠°ونطيبهم دوري ونعسلهم ونقطرهم وفي الغد ندهنهم بلاجولي ونرش فوقهم شوية شعالة تاع الحلويات أو عقاش ونديرهم لرقونزا ولكيسات وشهية طيبة