نضع الماء الدافي نزيد عليه الخميرة والمايزينة ولفاني والفرينة والملح

نخلط الكل بملعقة خشبية حتى لعجينة تاعنا تمدلنا العلك من بعد نخليها تختمر

نزيد نهبطلها لخمور ونخليها تختمر للمرة الثانية

بعد ما تختمر نخلط بملعقة ونعمر في كيس حلواني ونحط الزيت يسخن في كسرونة

نستعين بالمقص بعد ماتدهنيه بشوية زيت نضغط على الكيس ونقص بالمقص

نقليهم للمرة الاولى نصف قليان يعني نخليهم بيض حتى نكمل الكمية

نعاود نقليهم للمرة الثانية حتى يحمارو وييبسو نحطهم مباشرة في العسل

لعسل اكون خاثر بدون اي اضافات

انا هنا قدمتهم بجلجلان وكاين بشوكولا للاطفال وكاين بدون عسل لاصحاب السكري

يتقدمو مع الشاي بالصحة ولهناء