نضع المواد السائلة وخميرة الخبز والسكر نخلط مليح حتى تتجانس ومن بعد نضيفو مبشور الليمون ونلم بالفرينة +الخميرة الكميائية ونخليو العجينة شوية طرية وندلكوها مدة دقيقتين من بعد نقسمو الكمية الى ستة كويرات ونخليوها ترتاح مدة 10 دقائق

نبدأ نحل كل كويرة ونحطها على جنب علة شكل دائري بنفس الحجم حتى نكملوهم كامل

نجيب الدائرة الاولى وندهنها بالزبدة الدائبة ونجيب الدئرة الثانية نحطها فوقها وندهنها ونحط الثالثة حتى نكمل الدوائر الستة من بعد نحلهم مع بعض(يكون طبقات والزبدة تورقهم) حتى ترقاق العجينة من بعد نقطعها على اربع يخرجولي اربع مثلثات من بعد كل مثلت نقطعوه الى اربع يسما فالاخير يخرجو عدنا 16 مثلت نحكموكل مثلث ونروليوه من الهجة لعريضة نحوة الراس ونحطوهم في لبلا وندهنوهم بالبيض ونخليوهم يخمرو كي يضاعف حجمهم ندخلوهم للفرن حتى يطيبو و يحمارو.