دجاج مشوي بالصوص الحار🔥
إفتح في تطبيق كوكبادالخطوات
- 1
مننقع الدجاجة بالماي والملح والخل مع التوم المفروم لمدة 3 ساعات اقل شي.من بعدها منغسل الدجاجة ومنشفها وبتكون جاهزة للخلطة
- 2
منحط كل البهارات مع بعضها ومنظيف دبس فليفلة حار 🌶 ومنخلطهن كويس ومنحط الخليط عل الدجاجة من برا ومن جوا الدجاجة ومندخل تحت الجلد مع مراعاة مايتمزع الجلد.
- 3
منعصر 2 من الحامض ومنحطها فوق الدجاجة ومنحط فنجان زيت الزيتون ومنتركها من الليل 🌃 لتاني يوم بتعطينا طعم اطيب والذ.😋
- 4
منجهز الدجاجة منحطها عل قنينة زجاج ان كانت موجودة او حمالة دجاج مخصوص الها والصوص الي بيظل من الدجاجة منزيدو شوية ماي ومنحطها عل الصينية عشان نسقي الدجاجة فيها. منربط الارجل عشان ماتفلت الدجاجة بس تستوي ومنضب الايد للصدر باعواد خشبية مندخلها عل فرن محمي مسبقا عل حرارة 🔥 وسط 200د اول نصف ساعة ⌚ منفتح ومنسقي الدجاجة من الصوص الي حطيناها بالصينية وكل ربع ساعة ⌚ منعيد نفس الكرة.اخد معي تقريبا ساعتين الا ربع والريحة بتاخد الروح.
- 5
بيتقدم معها بطاطا 🍠 وسلط ومايونيز ولا الذ 😋
- 6
والف هنا وعافية لقلبكم ❤ تعبكم وشغلكم الحلو ومساكم منور دايما 🌹 ❤ 🌹
الكوكسناب
Keywords
وصفات مشابهة
وصفات ننصحك بمشاهدتها
التعليقات (88)