في قدر ندير القليل من سمن مع ملعقتين زيت ونحط قطعة الدجاج مع البصل وشوية ملح وفلفل اسود وزنجبيل وكمون ونخليهم يتقلاو مليح ثم نضيف الطماطم مسكرفجة والمصبرة ونزيد نخليهم يتقلاو ثم نمرق بماء سخون ونضيف الحميصة ونخليها طيب

من جهة اخرى نتبل صدر الدجاج المفروم ندير حبة البيض وملعقة صغيرة كمون والقليل من الفلفل الاسود والزنجبيل وملعقة كبيرة خبز يابس مطحون وشوية ملح ومعدنوس مقطع رقيق ونخلط مليح بيدي ونكورهم كويرات ونرميهم في المرق

نخليهم يطيبو ويخثر المرق ونقدمهم مع بطاطا مقلية دوائر