اول خطوة نديروها هي نأخذ وعاء نضع فيه الحليب+السكر+خميرة الخبز نخلطهم جيداً حتى تتجانس المكونات مع بعض نغطي الخليط ديالنا و نخليه حوالي ٥ دقائق باه تتفاعل المكونات مع بعض

كي تتفاعل لينا المكونات الأولى نحكم هاذيك الحبة تاع البيض أو نخلطها مع هذاك الملح نخلطهم جيداً ثم نضيفه إلى الخليط الأول تاع الحليب والسكر + الخميرة نخلطهم حتى يتجانسو مع بعض

كي تتجانس المكونات ديالنا مع بعض نبدأ نلم بالفرينة نخليها عجينة طرية تلصق شوية برك في اليد ثم نبدأ نعجن فيها حوالي ٥ دقائق حتى تولي ملساء

كي نكملو لعجين ديالنا نحكمو هاذيك الملعقة الكبيرة تاع الزبدة ندخلها غير بشوية في العجين ديالنا حتى نكمل الملعقة الكبيرة إذا مقدرلتوهاش كي تتلصق دردرو شوية فرينة (طحين او دقيق) في الوعاء أو حطو العجينة فوقها أو نمسح الوجه ديالها كامل بالفرينة أو نغطيها مليح او نخليها تختمر في مكان دافئ انا داتلي ٣٠د إذا كانت الدار باردة تقدر تديلك كثر

نمرو الآن إلى الحشو نكمو مقلاة نديرو فيها ٢ ملاعق كبار تاع الزيت يسخنو ثم نحطو فيها هاذيك البصلة الصغيرة تتقلى شوية ثم نزيد نصف صدر الدجاج أو لحم مفروم نخليهم يتقلاو مليح كي يتقلاو نضيف التوابل المذكورة فوق+المعدنوس (بقدونس)+الزيتون الأخضر المقطع أو نخليهوم يتقلاو شوية ثم نضيف نصف كاس ماء او نخليهوم يطيبو على نار متوسطة مانطفيش عليه حتى يشرب قاع هذاك الماء أو يتجمر كلش ثم نقدرو نطفي الفرن أو نخليه يبرد مليح

كي تختمر لينا العجينة بيالنا نقسموها على ٢ نحكمو قسم نبدأ نحل فيه على شكل مستطيل أو نحط نصف كمية الحشو و الفرماج أو نبدأ نطوي فيها مرتين في المرة الثانية دهني بشوة ماء او بياض البيض من الأحسن بياض البيض باه تتغلق لينا أو متحلش في الكوشة ثم نبدأ نقطع الحربوش ديالنا على شكل مستطيلات صغيرة أو مثلاثات انا نصف درتو مستطيلات و النصف الآخر مثلثات أو نقدرو نشكلوهوم على شكل سوفلي

كي نكملو التشكيل ديالنا ندهنو السطح ديالهم بصفار البيضة المخالطة مح الحليب أو ندير نصف حبة زيتون من الفوق أو ندردر فوقهم السانوج (حبة البركة) أو جلجلان (سمسم) نخلوهوم يخمرو حوالي ٥ دقيقة ثم ندخلهم إلى الفرن على درجة حرارة ١٨٠° حتى ياخدو لون ذهبي أو نحوهوم كي يطيبو نغطوهوم باه يبقاو لينا طريين و شهية طيبة

ملاحظة:هاذ الوصفة نعتمدها مام في السوفلي