نعجن الرخساس نخلط الفرينه مع شوي ملح و نلم بالماء الدافي و ندلكها شوي برك و نديرها قرطات و نفتحها بشوي زيت و نديرها تطيب اي تستوي في طاجين طين و ندير فيها ثقوب بالشوكه و بعد ما تطيب اي تستوي نفتتها قطع صغيرة

من جيهه اخرى نكون شويت الفلفل و الطماطم و الثوم في طاجين الطين نقشرهم و ندير الفلفل و الثوم في مهراز الحطب و ندڨهم مليح مع الملح و راس حانوت و الكزبرةو الحشاوش و ممبعد نزيد طماطم و طماطم مصبرة و ندڤ مليح و ممبعد نزيد عليهم رخساس لمفتت و ندڨ و نزيد لماء سخون و ندق حتان (حتى) نتحصل عليه مايكونش ناشف

و نزينوه من فوق بالحشاوش و زيت زيتون و بالصحة و العافياا