عمرك جربتي تعملي المحشي في صينيه محشي كرنب (ملفوف)
#المرور_الاول فظيييع ❤
إفتح في تطبيق كوكبادالخطوات
- 1
نسلق الكرنب (الملفوف)😄 جبت كرنبايه وسلقتها ومتنسيش تحطي في ماء السلق كمون وياريت حصي وبلاش ملح علشان هايسوي الورق زياده عن اللزوم من غير ماتاخدي بالك ويتهري منك بعد ويادوبك نزلي الورق في الماء وشيليه على طول في مصفي المعكرونه واحده هاتقولي هايبقي لسه ني اه ياستي ماانا عارفه بس لما يتحط على بعضه في المصفي هايطري ويستوي وهو ماسك نفسه يارب تكوني فهمتيني
- 2
ونعمل بقي الخلطه الجباره ٢بصلات مقطعين صغير جداً ونحطهم في زيت على النار ولازم زيت في الاول علشان رز المحشي يبقى مفلفل وميعجنش ابدا حتى لو ماء المحشي زادت منك ويدي لمعه للمحشي وبعدين يذوب البصله تأخذ لون خفيف انزل بالصلصله اشوحها مع البصل وانزل بعصير الطماطم المضروب في الخلاط مع قرن فلفل حامي
- 3
وبعدين انزلي بملح وفلفل اسود وياسلام لو عندك بهارات هاله تحفه وعسل في المحشي وممكن رشه نعناع ناشف وكمون وشطه ونص ملعقة صغيرة سكر مهمه جداً ياسكر وسيبها تتسبك كويس
- 4
الارز مغسول ومتصفي كويس وانزلي بالخضره المشكله وبصله وفصين ثوم وقرن فلفل رومي مفرومين وعليهم توابل ادعكهم كويس واقبلهم على الارز واركنيهم بقي شويه لغايه لما نقطع الورق بيكون الارز طري جداً في الصلصله السخنه واتشرب منها ومن التوابل بتاعتها
ونحشي بقي نجيب صينيه ونرص فيها لغايه ثلاث تربعها بس ونيجي بقي للشوربه اي شوربه عندك وتحطي فيها ملعقة صلصله وكزبره ناشفه ونسيبها تغلي وبعدين اسقي بيها المحشي - 5
وعلى عين البوتجاز احطه وبعد مايغلي اخفف النار وبعد مايستوي هنحط ملعقة سمنه بلدي كبيره على الوجه وبعدين انزله تحت الشوايه ياخذ لون
وصفات مشابهة
وصفات ننصحك بمشاهدتها
التعليقات