إفتح في تطبيق كوكبادالخطوات
- 1
انا كنت عامله محشي قبلها بيوم وفضل من الخلطه
- 2
خلطه المحشي (بصلةكبيره مقطعة مكعبات وفي حله على النار فيها معلقتين كبار سمنه وشويه زيت واحمر فيها البصل بس مش بحمره جامد هو يطلع ريحه بس
- 3
وانزل عليه بالطماطم تتسبك كويس جداً وبحط شويه فلفل وكزبره ناشفه ونص ملعقة صغيرة شطه ولما تتسبك خالص قبل ما اطفي عليها احط عليها الخضره بتاعتي شبت وبقدونس وكزبره وبس كده
- 4
.وبحضر الرز على حسب كميه المحشي وبكون محضره بصلةمقطعه مكعبات بردو وحاطه عليها ملح وفلفل اسود وادعك بيها الرز وبعدين انزل عليهم بالتسبيكه واقلب وشويه زيت بتبقا تحفه جداً وريحتها تجنن)
- 5
كنت متبله البانيه بصلةمبشوره عليها ملح وفلفل وبس(ممكن تبات يوم في الثلاجه وممكن لا).... وبعد كده ابتدي احشي ورق العنب
- 6
هجيب الحله بتاعتي واقطع بصلةدواير وطماطمايه وارصهم واعصر عليهم نص ليمونه وبعدين احط قطعتين بانيه على حسب مساحه الحله عندك يعني ممكن تأخذ قطعه او اتنين او اكتر عادي جداً وبعدين ارص ورق العنب وفي النص حطيت قطعه بانيه كمان وكملت رص وبس كده وعصرت نص اللمونه الباقيه على الوجه ورشه زيت عشان يلمع
- 7
التسويه حطيت طبق على المحشي من فوق عشان المحشي ميتفكش من الغليان وحطيت شوربه فراخ كانت عندي وعليها ملعقة صلصة وغطيت بيها المحشي.بتسبيه يغلي على نار عاليه وبعد كده تخففي عليه وتسبيه يستوي براحته.ولما تطفي عليه تسبيه يهدا شويه وبعدين تقلبيه في الطبق ودوقي احلى ورق عنب.. والفراخ مستويه جداً وطعمها يجنن 😋😋😋
- 8
مش شرط تتبلي البانيه ممكن تحطيه كده عادي.وانا استعملت نوع ورق عنب مجمد اسمه النيل لان مش كل المجمد بيبقا كويس ده احسن نوع جربته وطبعا بتحطيه في ماء ساخنه الاول وتصفيه عشان يبقى طري معاكي.جربوه وقولولي رايكم وان شاء الله يعجبكم❤️
كلمات ذات صلة
وصفات مشابهة
وصفات ننصحك بمشاهدتها
التعليقات