نديرو في كسرونة الماء يغلي ونجيبو كوكوطة ونديرو فيها قطع اللحم ونديرولها شوية قرفة وفلفل اسود وملح وشوية زيت وشوية زبدة نخليه يتقلا مليح فوق النار قليلة حتى يتقلا ومن بعد نديرولو هذاك الماء والحميصة خليهم يطيبوا مليح

نجيبو الفيونداشي (اللحم المفروم) تاعنا نديرولو البصل المسكرفج والمعدنوس رقيق وبيضة وروز ومن بعد اعجنيه مليح حتى يجانس مع المواد

ونديرو الما حتى يتغطى اللحم ونخلوه يطيب

نجيبو القرعة نشلوها ونحولها هذاك القلب نتاعها ونعمروها بهذاك الفيونداشي (اللحم المفروم) ونديروها مع اللحم والحميصة ونخلوها طيب

كي طيب متخلوهاش تنشف كامل و متخلوهاش جارية تكون مجمرة

ومن بعد نجيبو صحن كبير ونستفو القرعة ونديرو فوقها الحميصة واللحم في الوسط وذري فوقها شوية معدنوس (بقدونس) وديريلها حبات قارص (ليمون)

وشهية طيبة 😍 🥰🤩😘😉😊😚😙😗⁦☺️⁩⁦☺️⁩😗