સૌપ્રથમ એક કડાઈમાં અડધું ઘી, ૧ કપ દૂધ તથા ૧ કપ મલાઈ સાથે જ ઉકાળી લેવુ.. તેમાં અડધો લોટ ઉમેરી ધાબો આપવો. એટલે અડદિયા કણીદાર બને. ૨૦ મિનિટ સુધી આ ધાબો રાખી મૂકવો.

ત્યાર બાદ આ જ કડાઈમાં બાકીનું ઘી તથા લોટ ઉમેરી શેકવાનું શરૂ કરવું. બદામી રંગનો શેકાય જાય એટલે તેમાં ગુંદ ઉમેરવો. સરખો તળાય જાય ત્યાં સુધી ફાસ્ટ ગેસ પર જ રાખવું.

ત્યાર બાદ નીચે ઉતારી લેવું અને ૧૦ મિનિટ સુધી ઠંડું થવા દેવું.

તેમાં ડ્રાયફ્રુટ, એલચી પાઉડર, જાવિંત્રી પાઉડર, મિક્સ મસાલો, દળેલી ખાંડ બધું જ ઉમેરી દેવું.

ગુંદ,ઘી અને ખાંડ જરુર મુજબ વધુ કે ઓછા લઈ શકાય. ખાંડ ૪૦૦ ગ્રામ પણ પ્રમાણસર માપ થાય.