بسم الله نبدا بتحضير المرق الابيض نضع في قدر قطع الدجاج نضيف عليها البصل والثوم المرحيين والتوابل والفلفل الاسود والملح وكمية من الحمص المشمخ ومغرف كبيرة زيت ونضع القدر على نار ونخليه يتقلى جيدا ثم نضيف الزروديا والبطاطا ونمرق بالماء ونتركه ينضج

في هذه المرحلة نجيب الكسكس تاعي نحط عليه مغرف زيت ونخلطه جيدا ونحطو في كسكاس ونحطو على القدر يفور

بعد مافار الكسكس للمرة الاولة نزلو ونشمخو بالماء حتى يتشرب الماء مليح ونرجعو يفور مجددا حتى نتحصل على حبيبات كسكسي طرية

المرحلة الاخيرة نحط الكسكيسي في صحن ونمرقه بالمرق الابيض ونزينو بالبطاطا والحمص والزروديا وقطع الدجاج وبالصحة والهناء