اول خطوة في حاجة واسعة هنحط كباية الزبدة او السمنة وطبعا مش سايحة ونضربها بالمضرب الكهربائي دقيقة وننزل عليها كباية السكر ونشغل المضرب لحد مايتجانسو مع بعض ويبقى قوامهم كريمي

نحط البيضة وصفار البيضة والفانيلا ونقلبهم مع بعض كويس بالمعلقة

وبعد كده ننزل بالدقيق تدريجي ومعاه رشة البيكنج بودرة ورشة الملح ونعجن بالمعلقة لحد منخلص كمية الدقيق كلها

هندهن الصينية دهنة خفيفة من الزبدة او الزيت ونبدأ نحط الكمية من العجينة في كيس الحلواني ونعمل الشكل اللي احنا عايزينه ونكون مسخنين الفرن على ١٨٠ ندخلها لمدة من ربع لتلت ساعة

بعد مانطلعه ويبرد هنمسك الواحدة ونحط دهنة مربى ونقفلها بواحدة تانية ونغمسها بالفرماسيل او ممكن جوز هند او اي نوع مكسرات مجروش هتبقا جميلة برضه وبالف هنا😋