نحط البيض والسكر ورشة الملح ونطلعهم مليح ونزيد الزيت غير بشري وراني نخلط والحليب ثاني وكاس الكاوكاو مقلي ومرحي رقيق خلاص والفاني ونزيد كاس الروينة نخلطهم مليح نزيد الكاس الثاني تاع الروينة مع باكي ونص خميرة ونحرك ندهن المول ونرشو بالروينة ونفرغ الخليط ونحطو فى الفرن

نوجد الشربات وهي كرامال نحط كاس السكر ونخليه يتكرمل وكي يذوب تماما نفرغ عليه زوج كيسان حليب راهو يتحجر نخليه يذوب بعقلو مع نار قليلة باه يذوب ويقعد سخون

توجد المسكوتة نحطها تبرد كي تبرد نفرغ عليها هذا الكرمال تاع لاحليب كما الشربات وهي سخونة ونخليها على الاقل اربعة ساعات انا درتها فى الليل وفى الغد قطعتها