نغسل لبروكلو جيدا ونقطعو ونحطو في طنجرة مع لماء والملح والكمون وورقة الرند ونتركه يطيب جيدا ثم نصفيه ونتركو يقطر

من جهة أخرى نحضر الصلصة نحط ثلث مغارف زيت ومعاهم ثلث فصوص ثوم مرحية ومعرفة طماطم مصبرة ونتركها يتقلاو جيدا ثم نضيف عليهم الطماطم مرحيةوتوابل ونتركها تتقلا

نهرس لبروكلو بالفرشيطة جيدا ونضيفلو البيض والفرينة وتوابل خاصة الكمون

نشكل لبروكلو كرات صغيرة ونبصطو شويا بأصابع اليد ونقليهم من الجهتين في الزيت

نحط كرات لبروكلو في لبلاط كطبقة اولة ثم نحط فوقهم اللحم المفروم وطبقة من صلصة الطماطم ثم نعيد طبقة أخرى من كرات لبروكلو وفوقها اللحم وصلصة الطماطم

وفي الاخير نحط فوقهم طبقة من الجبن المبشور وندخلو للفور يتحمر من فوق