نقطع حبة بصل في القدر اللي بدك تطبخي فيه وتحطي زيت وتحطي الجاج وبهارات اكل ولبن وورق غار وملح وفص ثوم وحبة فلفل حار ورشة قرفة ورشة هيل ورشة فلفل اسود وبتقلبيهم منيح وبعدين بتحطي الماء يغمر الجاج وبنغطي عليه لين يستوي

انقطع البصل والفلفل كلو ونجيب مقلا ونحط فيها زيت قلي ونحط البصل ونقلبو لحتى يذبل ونحط الفلفل كل الالوان ونبرش الجزر والثوم ونحطو معاه ومعلقتين رب البندور ودبس الرمان وبهارات ورشة فلفل اسود ورشة هيل ورشة قرفة ونغطي عليه لحتى يستوي اذا نشفت الماء عنو نحط من مرق الدجاج شوي عليه وما ننسى الملح مع مكعب ماجي

نجيب الارز المنقوع مسبقا ويكون الدجاج استوى نجيب القدر اللي بنطبخ فيه الارز وبنحط الدجاج وفوق الدجاج خلطة الفلفل وفوق الخلطة الارز ونحط عليه مرق الدجاج ونضعو ع الغاز لحتى يغلى بنوطي تحتو وبنتركو تقريبا ثلث ساعة وبس يستوي بتقلبيه ع جاط التقديم وبترشي عليه الزبيب واللوز وبقدونس وشرائح الليمون وبالهنااء والشفاء

طبعا ما كتبت باللغة الفصحة 😂😂