صينيه بطاطس باللحمه المفرومه والبشاميل تجديد بدل المعكرونه البشاميل وطعمها حلو ومختلف
كيلو ونص بطاطس قشرتها وقطعتها دوائر بس ماتبقاش سميكه اوي وسلقتها نص سلقه في ماء فيها ملح

كيلو لحمة مفرومه طاسه على النار انزل بالسمنه وبعدين البصل المفروم واقلب جيداً لحد مايتبل وانزل باللحم والتوابل واقلب جيداً واضيف الثوم وقطع الطماطم وعند النضج اضيف الفلفل والبقدونس

البشاميل ٥كوبايات لبن عليهم ٤معالق كبيره دقيق قلبتهم على البارد ورفعتهم على النار لحد مايتقل ضفت معلقتين جبنة كريمي وملح وفلفل
الكميه دي تعمل صينيه كبيره

في قاع الصينيه حطيت بشاميل ورصيت نص البطاطس بعد ماصفيتها وعليها اللحمة المفرومه ورشه جبنة وشويه بشاميل وباقي البطاطس وعليها البشاميل ومن فوق جبنة موتزاريلا وتدخل الفرن نص ساعة وفي الاخر فتحت الشوايه تأخذ لون من فوق❤