بقلاوة القطايف
إفتح في تطبيق كوكبادالخطوات
- 1
لتحضير العجين في قصعة نحط الفرينه. الملح والفاني واللحظة والبيضة والزبدة الذائبة ونضيف الماء زهر ونخلط بلا منعجن نخلط العجين بالاصبع حتى تتلم العجينه نقسمها على 6 كرات و نتركها ترتاح ليلة كاملة لتحضير الحشو نحمص الكاوكاو تاعي ونرحيش احرش (خشن) شويه. نقيس 4 كيسان و نضيفلو كمية السكر ونرشو فقط بماء الزهر ونبربشوه فقط ونخلوه يرتاح
- 2
لغدا من ذاك نبدأ فتح العجينه الاولى ونديرلها شويه مايزينه على نص ونطوي النصف الاخر عليها ونتم مع كامل 6 كويرات نجيت 3 عجينات ونحطهم فوق بعضهم ونفتحهم كامل على قد لبلاطو تاعي ندهن البلاطو بالسمن يكون متوسط الحجم ونحط العجينه ونرخفها عليها نحاول منزيرهاش ونحط الحشو
- 3
نزيد نفتح 3 عجينات لي بقاو على بعضاهم على قد البلاطو ونحطها فوق الحشو بلا منضغط ونحاول نرخف العجينه نطراسي الحبات على الشكل المطلوب و نقسم البقلاوه تاعي ونديرلها السمن الذايب من بعد نحاول ندهن العجينه من فوق بالقليل فقط من بياض البيض ونحط القطايف وندرلها السمن من فوق ونخليها ليله كامله او على الاقل 4 ساعات ترتاح قبل منطيبها
- 4
نطيبو البلاطو تع البقلاوه من تحت ساعة كاملة من على نار هادئة وفي النصف ساعة ندور البلاطو كي تشوفي لحواشي احمرو حمريها من فوق حتى تدي اللون الذهبي وهي سخونة نصب فوقها رطل تع العسل ونتركها ليلة كاملة باش يلا نقطعهاج
وصفات مشابهة
وصفات ننصحك بمشاهدتها
التعليقات (4)