شوربة الكوارع
لو مش بتحبى الكوارع جربى الطريقة دى الاول وكمان هعملك فتة مش بالخل والثوم طعم ولا اروع
شوربة الكوارع
لو مش بتحبى الكوارع جربى الطريقة دى الاول وكمان هعملك فتة مش بالخل والثوم طعم ولا اروع
إفتح في تطبيق كوكبادالخطوات
- 1
اول خطوة انك هتغسليها كويس اوي وتنقعيها في ملح وخل ودقيق وشوية ماء انا نقعتها لتانى يوم طبعاً في الثلاجة بس ماصورتش الخطوة دى علشان كنت مجهزاها قبل كده ومفرزاها
- 2
خدى بالك الخطوة الجاية دى اهم خطوة في تسوية الكوارع ولو ماعملتيهاش هتفضلى تشمى ريحة زفارة مهما تكونى مسوياها في كولونيا حتى
- 3
الخطوة هي انك هتحطى الكوارع في ماء من الحنفية ومعاها كباية خل او 2 على حسب كمية الكوارع بس لكل كارع بياخد كباية كاملة خل اولا ماء الحنفية هتشد اي زفارة من الكوارع ودهون مالهاش لازمة الخل بقى هيقضى على الزفارة والدهون دى تماما وماتقلقيش من اي حاجة استنى عليا وسيبيها تغلى حوالي 10 دقائق غلوة حلوة تطلع فيها كل الريم والريحة الوحشة شايفة الماء معكرة ولونها رمادى ازاى مع انها منقوعة ليلة بحالها ومتنضفة تمام
- 4
لحد كده مش هوصفلك الريحة صعبة قد ايه بس خليكى معايا طلعى الكوارع من الماء واشطفيها بمية من الحنفية كويس اوي اوي وشيلى اي ريم لازق عليها واغسلى حلتك بالليفة والصابونة مش شطف عادي دلوقتى هترجعى الكوارع للحلة بعد ما اتغسلوا وهتحطى ماء ثاني من الحنفية والمرة دى علشان نشد البهاريز من الكوارع
- 5
حطى بهاراتك بقى وشايفة الماء رايقة ازاى وجميلة
- 6
هتفرمى البصلة وتفركيها بالفلفل الاسود وشوية ملح مش كتير بس علشان تطلعى ماء البصل ومش عارفة ليه ناس كتير مش بتعمل الحركة دى في سلق اللحمة والطيور بالرغم من انها خطوة خطيرة في النتيجة
- 7
حطى البصلة في الحلة ولحد كده شمى احلى ريحة لحمة من غير اي زفارة نهائى شايفة بعد اول ربع ساعة الماء بقت بيضة ازاى من البهاريز ومافيهاش اي دهون ولا زفارة
- 8
سيبيها تستوي خالص لحد ما الكوارع تنفصل عن العضم وتبقى جاهزة وارفعيها بقى عن النار وتعالى نعمل الفتة
- 9
هتشوحى بصلة على النار والفلفل الاسود اجرشيه ياريت يكون طازجة كده في الهون بجد بيفرق واول ما البصلة تذبل انزلى عليها بقرن فلفل و بالشوربة ومعلقة صلصة كده
- 10
وادى كمان رقاق بيتي معتبر هنسقيه بالشوربة انا ولادى بيحبوا الفتة بالرقاق والبصل اكتر من ام خل وثوم
- 11
الرز كمان عملته ببصلة وسقيته بشوربة الكوارع
- 12
وكمان الصلصة جهزت وركبى الفتة بقى
- 13
احلى طبق فتة بجد مع شوية سلطة ومخلل ولو عاوزة تحمرى الكوارع او تحطيها في صلصة انتى وراحتك
- 14
تابعونى على صفحة الفيس بوك https://www.facebook.com/طبخاتى-و-تكاتى-100641084923307/
الكوكسناب
Keywords
وصفات مشابهة
وصفات ننصحك بمشاهدتها
التعليقات (9)