في جفنة نضع سميد رطب+ فرينة +ملح+ خمارة كيميائية +عسل ونجمعو بالماء الدافئ حتى نتحصلو على عجين ماهوش يابس وما هوش طري بزاف

ثم ندلكوها شوية باليد أو العجان ثم نشكلو ليبول صغار وزن 45g أو ديريهم صغار باليد

ثم نحتاجو في كل بولة 3 دوائر ونضعهم في صينية تكون مدهونة بشوية زيت ثم نطلي بولات بشوية زيت من الفوق

ونغطوهم بكيس بلاستيكي ونخلوهم يريحو نصف ساعة باه نخبزوهم ثم نحكم كرة الأولى نخبزوها بشوية زيت ونفتحوها دائرة كبيرة ورقيقة

ثم في وسط دائرة نطلو بشوية خليط توريق مسمن نكونو خلطناهم مع بعض ونغلق مربع على أربعة وما نخبزوهش ثم نحطوها بجيها

ثم نجيبو بولة ثانية نحلوها نفس الأولى وتكون كبيرة عليها شوية ثم نطلوها بشوية خليط توريق مسمن

ثم نرفد مربع الأول ونضعه في وسط دائرة ونغلق على أربعة باه نتحصل على 2 مربعات ثم نحطها بجيها

ثم نجيبو بولة 3 ونحولها بشوية زيت دائرة رقيقة ثم نطلوها بشوية خليط توريق مسمن

ثم نجيبو هذوك 2 مربعات لي خدمناهم نحطوهم في دائرة 3 ونطوي على أربعة هكذا نكونو تحصلنا على مربع كبير فيه 3 دوائر ثم نكملو كل العجين نفس الطريقة

ثم نضعهم في صينية مدهونة بشوية زيت ونغطيهم ونخليهم يرتاحو نصف ساعة باه يساعدوكم في الخدمة وما يتقطعوش ثم نحكمو ورق طهي نقصوه 20 سم على 20سم

وندهنوه بشوية زيت ونخبزو مربع رقيق على حساب ورق طهي ثم نرفدو مربع مسمن بالورق طهي ونضعه في طاجين يكون سخون مليح وتكون نار معتدلة ثم غي تنشف شوية نقلبوها

كون نخلوه يطيب قاوي يجي يابس ثم كل خطرة نقلبوه ونرشوه بشوية زيت حتى يتحمر ونقدموه