نحط الفرينة (طحين) والخميرة والسكر والزيت نبسس العجينة نضيف حليب بودرة والملح ونلمها بالماء نتركها طرية نعجنها قليلا حتى تولي ملساء

نقطعها دوائر نكورها مليح نعملها كرة دائرية ونغطيها تختمر

نحضر الحشو نقطع اسكالوب او صدر دجاج شرائح ونتبله رشة ملح فلفل اسود فلفل احمر سكنحبير ثوم مجفف راس الحانوت نخلطهم مليح ونتركهم في الثلاجة مدة ساعة نقطع البطاطا ونقليها نحطها بجنب

بعدما تختمر العجينة نجيب كرة نرشها بالفرينة ونحلها بالحلال رقيقة ونفرش طرشونة فوق طاولة ونحطها ترتاح قليلا ونطيبها فوق طاجين على نار متوسطه عندما تعمل فقاعات نقلبها منحمرهاش بزاف ونحطها في كيس بلاستيكي نكمل باقي الكريات

ثم نجيب كرة نحط صلصة جبن او مايونيز نمشيها على العجينة نضيف اسكالوب والبطاطا والجبن ونغلق الجوانب ونطيبها فوق طاجين وتكون جاهزة