نحل القطايف تاعي ونفرقهم بأطراف الأصابع وكي تتحل نذوب المارغرين مع شوي ماء زهر ونصبها فوقهم وندخلها مليح في القطايف بلا مانعجن

نحكم الكاوكاو نحمصه ونرحيه ونزيدلو السكر وماء زهر حتى يولي كيما اي مثل الحشو تاع البقلاوة

نحكم نجيب فنجان صغير ونحط فيه شويه قطايف ونديرلو ثقبة في النص وندير في وسطها الكاوكاو ونغلقها وباه ماتلصقش القطايف ديري ورق فيلم في الفنجان وديري القطايف واضغطي مليح بأصابعك ونحوها

ونحطوها مباشرة في صينية لي تحطيها في الفرن ونطيبوها من تحت ثم من فوق كي تطسب وتتحمر نصب عليها العسل لي نكون وجدتو مسبقا ونعسلها ونخليها ليلة كاملة تتشرب في هذاك العسل والتزيين اختياري كالعادة