اول شيئ نحل العجينة المورقة بسمك 1س ونثقبها مليح وندخلها للفرن يكون ساخن من قبل وعلى نار متوسطة كي طيب من التحت نحمرها من فوق ويمكن نوضع من الفوق بلاطو اخر باه متنتفخش معانا العجينة

نوجد الكريمة نحط تلحليب يسخن مليح وفي صحن اخر نضع صفار البيض والنشا والسكر نخلط مليح ثم نبدا نضيف الحليب غير بلعقل ونضرب بلا فويي ثم نحطوه في كسرول فوق النارونخليه يعقد مليح وفي الاخير نطفي النار ونضيف م اكل زبدة طرية وم اكل لفاني ونخلط ونخليها تبر مليح في الثلاجة كي تبرد مليح نضيفلها بودرة الشانتي ونضرب بالباتور ونرجعها تبرد في الثلاجة

الفوندو نخلط السكر رطب يكون مغربل بقطرات من الماء ونخلط حتى يكون ليس لازم يكون شوية حاكم روحو منكثروش الماء