إكلير محشو بكريمة الحلواني ومغطي بالشوكولاتة 😋😍
إكلير محشو بكريمة الحلواني ومغطي بالشوكولاتة 😋😍
إفتح في تطبيق كوكبادالخطوات
- 1
٢كوب ماء + ١/٢ كوب زبدة = يغلوا على النار وبعدين نحط عليهم ٢كوب دقيق عليه رشة ملح ونقلبهم مع بعض دقيقتين كده على النار ونطفي ونسيب العجينة تبرد وبعدين نحط ٦ بيضات بالتدريج بيضة ونضرب بالمضرب (أو نقلب بالمعلقة أو نعجن باليد)لحد ما تختفي وأحط البيضة اللي بعدها وهكذا وطبعا أضيف لهم الفانيليا والخل
- 2
تحطي العجينة في كيس الحلواني وفيه القمع بتاعه (أنا عملته مرة بالمسدس بتاع البيتي فور بس شيلت القمع الصغنن وسيبت الدايرة بتاعته بس وطلع حجمه حلو)
- 3
ورصيها على ورق زبدة على الصينية وخلي فروق بينهم لأنهم بينفشوا
- 4
تكوني مسخنة الفرن على أعلي حرارة وتحطي الصينية عشر دقائق على الحرارة العالية وبعدين نص ساعة(أو ٢٥ دقيقة) على ١٨٠ أو أقل حرارة من غير ما تفتحي عليها خااالص
- 5
لو طابت وما كانتش احمرت من فوق ممكن تشغلي الشواية دقيقتين بس تأخذ وجه بس في الأغلب بيتلون كله من نار تحت بس
- 6
بعد ما تطلعيه ويهدي شوية تفتحيه بالسكينة وتحشيه الكريم باتسيري (١ ١/٢ كوب لبن + كوب بودرة كريم باتسيري) وتغطسيه في صوص الشوكولاته (٨٠ جرام زبدة تقريبا + ١٦٠ جرام شوكولاتة خام تقريبا برضه) أو زي ما تحبي يعني
- 7
تسيحي الزبدة وتطفي الناروهي ساخنة تكسري الشوكولاته وتحطيها فيها وتقلبي لحد ما تسيح وتكون صوص لامع كده وشبه سائل عشان تعرفي تغطسي الإكلير فيه بسهولة وبالهنا والشفا
- 8
المقدار ده بيعمل ما يقرب من ٥٥ واحدة إكلير بس حجم صغير (يعني تقريبا قد المقدار اللي في الصورة دي ٣ مرات)
Keywords
وصفات مشابهة
وصفات ننصحك بمشاهدتها
التعليقات