نحط حبة بصل مرابيا في مقلاة ومن الأحسن تكون المقلاة كبيرة نحطلها 2 ملعقة ك زيت ونخليها حتى تذبال ونضيفلها 2 حبات طماطم مرابيين و2 سنات ثوم نحط التوابل ونخليهم يتقلاو مليح

كي نشوفهم تلاقاو مليح ونشوفو نحطلهم الطون حسب الرغبة انا استعملت 2 بايط نخلطو مليح معاهم ونزي نضيف نصف ملعقة طماطم

ونضيف 2 كيسان ماء كي نشوف لاصوص هزت الغلية نحط السباقيطي ومرة على مرة نحركو بلاما نكسرو (لي تكون لمقلة تعها صغيرة تقسمو على زوج) ومنخافوش منو لانو جاء في حاشية المقلاة لانو راح يهبطو وحدو كي يطيب (يستوي) بلانا ننساو نحركوه وكي ينشف الخليط نزيدو كأس فقط تا لماء

ونخليه يطب وكل ميطيب شوية راح يهبط لي في حاشية المقلة حتى يهبط كامل نخليوه ينشف ونزيدولو علبة تونة ونقدموه