نحط في العجان الدقيق والملح والماء نتركها تتعجن مليح نضيف الماء بالتدريج ونعجن وهكذا حتى نتحصل على عجينة طرية نغطيها بالنايلون نتركها ترتاح.

بعد ما ترتاح وتطرى نكورها كويرات كما في الصورة نخدم بالكرة نبسطها باليد مع شوية زيت نحطها على حافة الطاولة ونجبدها بالشوية برك باه ما تتقطع ونطيبها في طاجين لحديد نتاع لمسمن..

نطيبها فوق طاجين لحديد نتاع لمسمن كما في الصورة...ونحطها على جنب ونغطيها وهكذا حتى نخلص الكمية نفتت اوراق لمسمن

نحضر المرق عادي نرحي البصل والثوم ناعم نحطهم في طنجرة نحط عليهم طراف الدجاج واللحم والتوابل والملح والحمص وطرف الزبدة وشوية زيت نخلطهم جيدا نحط ملعقة اكل طماطم مصبرة نتركها تتقلى المكونات وتمتزج النكهات ونمرق بالماء الساخن نتركها تنضج..

عندما يطيب اللحم ويخثار المرق تقدم أوراق لمفرمسة (لمسمن) مع المرق وشهية طيبة..