نحطوا الزبدة ورشة الملح والسكر والبيض ونخلطوا حتى نتحصلواا على كريمة رطبة نزيدوا النشاء ونكهة الفراولة ونخلطوا ونزيدوا الفرينة (طحين) والخميرة بالتدريج حتى نتحصلوا على كرة نغطوها ونخلوها ترتاح ربع ساعة

نفتحوا العجينة على سمك مليح نطبعوا بالطابع الى يكون فيه فتحة نطيبوهم بالفرن بعد ما يطيبوا نلصقوهم بالمعجون انا استخدمت معجون المشماش زدتله نكهة الفراولة والملون الاحمر ولصقت بيه الحبات ونزيدوا نفرغوا شوي في الفتحة نخلوها تنشف

نجيبوا بياض البيض والسكر نفرغوهم في صحن زجاج ونزيدوا الملح نحطوهم على حمام مائي ونخلطوا بالفوي حتى يذوب السكر نضربوا بالباتور حتى يتضاعف حجمه نظربوا مليح حتى تحسوا الباتور ثقال نزيدوا الفانيليا والنكهة والا حبيتوا زيدوا ملون نزيدوا نضربوا

وفي النهاية نزيدوله سكر البودرة باه يساعد الميرانغ ينشف بالخف نحوا الصحن من على النار ونفرغوا في لابوش ونشكلوا فوق حبة الصابلي ونخلوه 24ساعة حتى ينشف واخيرة زينته بلبغيوا بصحتكم