في إناء ندير زبدة وسكر وملح وفاني ونخلط مزيان تيولي بحال كريمة من بعد نزيد نص كاس زيت وبيضة والدقيق حسب الخليط تكون العجينة رطبة

نخلوها ترتاح واحد نص ساعة من بعد نشكلها بحال صبيعات ونبقاو نحط في طاوة الفرن تنساليو الكمية كاملة وندخلها الفرن حتى طيب ونحيدها ونخليوها تبرد

شوكولاتة نزيد عليه شوية زيت ونذوب فحمام مريم من بعد ميدوب نزيد عليه كاوكاو (فول سوداني) مهرمش ونخلط مزيان ونبقا نغطس فيه الحلوة ونحطها فوق ورق زبدة تينشف الشوكولاتة ونديرها فكويغطات حسب الرغبة

بالصحة والراحة.