رشتة بالدجاج
إفتح في تطبيق كوكبادالخطوات
- 1
اولا نفتح الرشتة و ندهنها بشوة تاع زيت ما نقويش و نحطها تفور التفويرة 1 كي تفور نديرلها الملح و نرشها بالماء السخون اللي كانت تفور عليه. نرشها غير بالشوية عينك ميزانك و نغطيها و نخليها
- 2
بالنسة للمرقة : في قدرة كبيرة ندير الزيت و زبدة فوق النار كي تذوب زبدة نحط الدجاج يتقلى من بعد نضيف البصل و نخليهم يتقلاو على خاطرهم فوق نار متوسطة
- 3
من بعد نضيف الجزر و اللفت و نقلي و نحرك و نضيف شوية ماء سخون قيس فنجان و نحرك و ندير التوابل و الملح و الرند و الكرافس ونحرك من بعد نمرق و نغطي القدرة
- 4
كي يبدا المرق يغلي مليح نضيف الحمص و القرعة و البطاطا و نخليعا تطيب اي تستوي على خاطرها كي قريب نطفي حوالي 10 دقائق الأخيرة نضيف عود تاع القرفة
- 5
نولو للرشتة تكون شربت ماها نعاود نحطها تقور للمرة 2 كي تفور نحيها و نعاود نرشها بالماء سخون بصح نرشها غير شوية و نخليها
- 6
كي تشرب ماها نديرلها مالفوق شوية مرقة و نحطها تفور التفويرة 3 والاخيرة و نرشها مالفوق بشوية قرفة
- 7
شهية طيبة و إنشاء الله تعجبكم و تجربوها و شكرا
Keywords
وصفات مشابهة
وصفات ننصحك بمشاهدتها
التعليقات