بقلاوة بعجينة الفيلو
إفتح في تطبيق كوكبادالخطوات
- 1
نحط الفرينة (طحين) وملعقتان كبار نشاء ونحط نص كاس سمن ندخلها فيها ونحط الملح ونبلها بالماء وماء زهر نتحصل على عجينة طرية سهلة الاستعمال نقسمها الى عشرة كويرات ونخليها ترتاح في كيس حوالي نصف ساعة
- 2
بعد ماترتاح نأخذ كل كرة ونحلها دائرة صغيرة نحط نشاء ونحل
- 3
ممبعد نحط الدائرة الاولى و نضع نشاء فوقها كمية مليحة ونحط الثانية و نحط النشاء و نحط الثالثة وفوقها النشاء وهكدا ننكمل خمس دائرات نحلهم بالحلال بالاستعانة بالنشاء
- 4
حلوهم على قد لبلا لراح طيبوا فيه
- 5
حطوا العجينة في لبلاط تعكم فرشوها مليح بعد ماتكوني دهنتيه بطبقة من السمن
- 6
نحط الحشو تعنا لنكونوا وجدناه بوقت قبل الكاوكاو محمص و مطحون مع القرفة ولقرنفل و السكر و ملعقتان كبار سمن نحك بين يدينا و نبل بشوي ماء زهر لازم اكون ماش مبلل ياسر ونفتلوه كما الكسكس لازم مايكونش جاري اكون كما الكسكس
- 7
نحط الحشو ونخدم الدائرات لخرين بنفس الطريقة ونغطي وامبعد نحي الزوائد لخرجت على البلاط ونقسم لبقلاوة تعنى و نذوب حوالي كاس سمن و ندهنها منفوق ونخليها ترتاح حوالي ساعة واذا قدرتي خليها تبات
- 8
من غدوة حطيها بالفرن طيب تلى نار متوسطة راه تتورق وتجيك هايلة كطيب عسليها بعسل ثقيل بلا ماتضيفيلوا ولا شي وخليها تبات باش تقصيها
- 9
تجي تتقرمش ومورقة روعة
- 10
ملاحظة فقط لحب يستخدم اي نوع مكسرات جوز لوز بيستاش يستخدم لكن لا يكلف الله نفساا الا وسعها لماعندوش ادير كاوكاو (فول سوداني) صدقوني تجي بنينة وهايلة بلكاوكاو
Keywords
وصفات مشابهة
وصفات ننصحك بمشاهدتها
التعليقات (11)