كأول خطوة نغسل الأرز تاعي مليح عدة مرات ونصفيه حتى نتخلص من النشا تاعو(حتى يصير الماء عادي)، ثم نحطو يترنخ في ماء دافئ ونخليه على الأقل 2 ساعة (كنصيحة لربح الوقت قبل ما نبدا الشغل نعمل الخطوة هذي)

بعدها نأخذ الخضر تاعي ونكون حضرتها (غسلتها وقطعتها وقليت واش يتقلى وحطيت بجنب واش لالا كما مذكورين أعلاه)

نأخذ البصل نقليه مليح مع الثوم ثم نضيف الدجاج ونملح ونتبل ونخليه يتقلى مليح في زبدة غزيرة شوي، لما يتقلا نضيف الطماطم ونقص النار قيس ماتذبال وتطلق العصارة نطلق ورقة رند والدبشة والمعدنوس ونطفي.

في هذه الأثناء نصفي الأرز ونخليه في جهة، ونحط طنجرة فيها ماء يغلي وملح وتوابل وورقة رند باش نطيبوه نص طياب، من بعد نصفوه ونفرغوه في قصعة ونحطولو زبدة ونخليوه يبرد.

لما نوجدو كلش نخلطو كل المكونات والصلصة مليح مع الإحتفاظ ببعض الصلصة للتزيين في الأخير

نأخذ قالب تاع فرن نذهنوه بالزبدة ونعمروه بالخليط وندخلوه فرن ساخن يكمل التجمار.

عند التقديم تقدم معه الصلصة لنحيناها وهريسة. شهية طيبة

نقع الأرز وغسله جيدا يمنعه من التعجان أو اللصوق تجي كل حبة وحدها وطرية