إفتح في تطبيق كوكبادالخطوات
- 1
نبداو بالعجينة نشمخوها نحطو الدقيق و الملح و نشمخو بالماء و ندلكوها مليح و نخليوها ترتاح و نبداو نحضرو المرق
- 2
اول شيء و اللي هو سر النكهة و البنة في الشخشوخة انو لازم يكون فيها بصل بزاف و طماطم باه تجي حمراء و بنينة
- 3
عندنا 2 حبات بصل وحدة نسكرفجوها ولا نرحيوها و وحدة نقطعوها مربعات صغاااار في الكوكوطة نحطو البصل مع الدجاج او اللحم حسب الاختيار
- 4
نسكرفجو حبات الطماطم و نحطوهم في الكوكوطة و نزيدلهم الراموش اللي هو فلفل ادريس فلفل أحمر حار و كزبرة غبرة مع الدبشة مع مغرفة كبيرة ثوم و نزيد الملح و طماطم المصبرة نزيدولها شوي كرافص و2 ورقات الرند و نحط الحمص
- 5
نحطهوم فوق النار كي يبداو يتقلاو نزيدلهم شوية ماء و نغطيهم يتقلاو مليح
- 6
السر الثاني في بنة الشخشوخة هو التقلية لكان تقلى اللحم او الدجاج مليييح مع التوابل تجي بنينة تهبل
- 7
كي تكمل التقلية و تبدا تجي الريحة البنينة نزيدلها الماء نمرق و نسكر الكوكوطة و نخليها طيب
- 8
نديرو العجينة كريات و نحطو طبسي فيه الزيت و الماء و نبداو نحلو بالوحدة و نحطوها في الطاجين طيب و نقلبو حتان (حتى).طيب و نحيوها نفتوها فتافيت متوسطين ما صغار ما كبار
- 9
كي طيب المرقة و تخثار نحيو الدجاج او اللحم و نديرلو رشة ملح و هو سخون هذه تاني من أسرار البنة
- 10
نغليو المرق جيداً و نحطو فيه الفتات باه يطيب (يستوي) مليح و يطلق روحو ما نشفوش المرقة خلاص لازم تبقى فيها المرقة خاطر العجينة تشربها كي تفرغيها في الصحن وتنشف
- 11
قطعي حشيش شوربة بصل رقيق و فلفل اخضر حار و زبدة حرة الله الله
- 12
فرغي الشخشوخة في الصحن و زينيها بالفلفل و البصل و حشيش شوربة و حطيلها الزبدة و شهية طيبة
- 13
السر الاكثر اهمية البنة و النكهة هي اللمة باه تجي الشخشوخة بنينة لازم تتجمع عليها العائلة :)
وصفات مشابهة
وصفات ننصحك بمشاهدتها
التعليقات