نأخذ اسكالوب نتبلوه بالملح والفلفل الأسود وبعدها نحشوه بالفرماج وباتي ونغلقو عليه بالكوردو نفس الطريقة نكملو بيها باقي شرائح الدجاج

في مقلاة نحط ملعقة زيت وملعقة زبدة ونحطو الدجاج نتاعنا يتقلا على نار قوية باه لفرماج ميتحرقش

بعد لي نكملو نحطوهم على جنب

في نفس المقلاة بلا منغسلوها نحطو الفطر نتاعنا يتقلي مليح وبعدها نضيفو الملعقة نتاع لموطارد ونضيفو نصف كأس ماء ساخن ونخلطو مليح بعدها نزيدو الكريمة السائلة غير تغلى وتبقي دير في الفقاعات نحوها

في بلا نتاع فرن نحط الدجاج نتاعنا نكونو نحينالو الأعواد ونحط فوقها لاصوص ولفرماج رابي من الفوق ندخلوها غير تحمر ونخرجوها وبالصحة والراحة

ملاحظة :متكتروش الملح ذوقو ادا خصكم زيدو وملحو غير الدجاج قبل ما يطيب

الوصفة من عند سارة حناشي من اليوتيوب