المفتول على أصوله ☺️
إفتح في تطبيق كوكبادالخطوات
- 1
اول خطوة لازم يكون عندك طنجره ومصفاي مخصوص للمفتول
- 2
بتقطعي الدجاج وبتنظفيه
- 3
بسدر كبير بتفردي المفتول وبتحطي عليه كرب زيت زيتون وبتحركيه بايدك لياخذ كل الزيت
- 4
بعدين بالطنجره ع النار بتقطعي حبه بصل وبضيفي الدجاج وزيت وبتقلبيهم منيح وبتسلقي الدجاج سلق عادي مع جميع البهارات المذكوره اعلاه بعدين بتحطي المصافاه فوق الطنجره وبتكبسيها منيح لحتى بخار الغليان يدخل بفتحات المصفاه
- 5
بضيفي المفتول داخل المصفاه وكل 5 د بتقلبيه لمدة ربع ساعه
- 6
بصحن خارجي بتقطعي البصل تقطيع ناعم مع راس الثوم وبضيفي عليه ملح وكمون وبتحركيهم
- 7
بعد ما تكوني حركاتي المفتول خلال الربع ساعه بتحفري حفره بنصف المصفاه وبتحطي البصل الي قطعتيه وبتدفني فوقو المفتول وبتصيري تحركيه من الجوانب اهم شي تبعدي عن النص عشان خلطه البصل ما تطلع
- 8
بتقطعي البصل والبندوره والبطاطا والثومة تقطيع وسط وبضيفي عليهم فنجان زيت ذرة وبتقلبيهم ع النار وبضيفي رشه ملح وفلفل اسمر وبهار جاج وبهارر مشكل وكاري،، وماجي اذا موجود،،، وبعدين بضيفي صلصله اليندورة ولتر ماء وبتتركيهم يتسبكو ع النار ع راحتهم
- 9
طبعا المفتول بدو ساعه ليستوي مع التقليب المستمر من الاطراف والجوانب
- 10
بعد الساعه بتقلبيه من النص مع البصل لحتى نكهة البصل ياخذو المفتول
- 11
(ملاحظه مهمه) (الدجاج خلال 45 دقيقه بكون مستوي بدك تنتبهي عليه عشان ما يذوب وبس يستوي بتشيليه من ماء السلق وبضيفي الحمص الحب وبترجعي المصفاه مكانها)
- 12
بعد استواء المفتول بتحطيه بسدر التقديم وبتشربيه من ماء سلق الدجاج وبضيفي الدجاج بعد الشوي (انا خليته مسلوق بدون ما اشويه) طبعا حسب رغبتك
- 13
طبعا بهاي الاثناء بتكون اليخنه جهزت بضيفي عليها حمص الحب وبتسكبي منها ع وجه المفتول وبتقدمي منها بصحون
- 14
وصحتين والف هنا
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (7)