كناخد البطاطس من بعد ما كنغسلوه مزيان ونشفها كنخليها بالقشور ديالها كنفركها بالفرشيط وندهنها بالزيت ونرش عليها الملح نلفها في الالومنيوم وندخلها الفرن حتى تنضج

نسلق الجلبانة (البازيلا) مع القليل من الملح ونقطع الزيتون الاخضر على شكل دوائر

ومن بعد ما طيب لينا الجلبانة (البازيلا) كنزيد عليها الزيتون والذرة والطون وكنخلطهوم

ملي كطيب ليا البطاطا كنفتحها من الوسط و كنحيد منها البطاطا الى في الوسط وكنزيد عليها الجبن وكنخلطها مزيان حتى ترجع على شكل كريمي

كناخد ديك البطاطا الى خلط مع الكريمة كنرجعها فوسط البطاطا وكنزيد عليها الخليط ديال الذرة والطون والزيتون والجلبانة وكنزينها بالكتشوب والموطارد