نخلط الماء الدافي مع السكر والخميرة والملح وكاس فرينة (طحين او دقيق) ونخلط ونخليها ترتاح ومن بعد نلوح باقي الفرينة (طحين) والزيت وبودرة الحليب ونعجن شوي ونقسمها على زوج ونكسلهم رقيقاوندهن المول بالزبدة ونفرش العجينة الاولى. هنا انا استعملت الفرينة (طحين) الكاملة ولا ماعلاباليش واش يسميوها المهم فيها النخالة

ومن جيهة نوجد الحشو نرابي الجزر نحطها طيب مع شوي ثوم وزيت ونخليها تتقلى مليح نزيدلها شوي توابل ونزيد نحط معاها الدجاج مقطع مربعات صغار ونخليهم يطيبو مليح نزيدلهم شوي دبشة (كزبرة) ومن جيهة نقلي البطاطا مربعات صغيرة ونخلط كلش مع بعض ونزيدلهم البيض مشرشم مقطه مربعات والدبشة

ونحطو فوق العجينة ونزيد نحط الجبن ونغلق بالعجينة الثانية وندهن بالبيض ونزين بالسينوج وندخلها الفرن طيب وشهية طيبة. اللي حب يزيزدلها لهريسة يزيد