نأخذ الفرينة (طحين) و نضع الملح و السكر و نخلطهم ثم نضيف كيلة السمن وزبدة وداخلهم حبة بيض مخلطة معاهم ونبسس الفرينة (طحين) نتاعنا امليح ثم نضيف الماء و الماء الزهر تدريجيا حتى الحصول على عجينة متماسكة

نتركها ترتاح على الأقل ساعة و من الأفضل نعمل العجينة قليلو الصبح نخدمها بعد ان ترتاح نقسمها إلى تسع كرات ونغطيهم ونبعد نخدم بثلاث كويرات

في صحن فيه فنجان فرينة (طحين او دقيق) مع فنجانين مايزينة (نشاء)نرش طاولة العمل و نحل الكويرات بالحلال ثم فالماشينة تاع البقلاوة اذا كانت المشينة تاع البقلاوة يخلاص الرقم نتاعها في رقم 8 نحل العجينة في رقم 4 و رقم 7. أما اذا كانت الماشينة تخلاص في رقم 9 نحل العجينة في رقم 4 و رقم 8

نحل الكورة الأولى و فالأرقام لهدرنا عليهم و نرش عليها امليح بالخليط لدرناه فرينة (طحين او دقيق) وميزينة ونزيد الكورة الثانية نحل بنفس الطريقة و نحطها فوق العجينة الأولى و نرشها بنفس الطريقة و نحل العجينة الثالثة بنفس الطريقة و نحطها فوق العجينة الاولى والثانية دون رشها بالخليط لدرناه ثم نساوي الأطراف امليح و نضع الحشو و نطلي الحواف ببياض البيض باش متتحلش و نقطع سيقار كيما اي مثل نحب الطول

بعد ما يطيبو نعسلهم مباشرة و شهية طيبة