كيكة بعصيدة الفواكة
#اسبوع_الكيك ( نقدرو نديروها لاعياد الميلاد )
إفتح في تطبيق كوكبادالخطوات
- 1
نطلع البيض مع السكر مليح مليح حتى يولي لون الخليط ابيض على شكل رغوة. نخلط المكونات الجافة مع بعض (الفرينة و الخمارة و النشاء و لافاني)
- 2
ونضيفهم للخليط الاول و نخلط مليح بالمغرف ماشي بالباتور باه ما تتكسرش الرغوة ثم نضيف الزيت و العسل نخلطهم مع بعض قبل ما نضيفهم و نواصل الخلط و نحافظ على قوام الرغوة ثم نضيف الماء و نخلط.
- 3
ناخذ مول الكيك دائري او اي شكل حبيتيه و ندهنو بالزبدة و الفرينة (انا اخترت هذا المول اللي ينفتح من الجوانب باش تجيني ساهلة كي نحيها مالمول) و نفرغ الخليط ونخبطو باه يتسوى الوجه تاعو مالفوق و ندخلها للفرن يكون مسخن من قبل على 180 درجة
- 4
نحضرو عصيدة الفواكه: نحط السكر في مقلة و نخليه يذوب لكن ما نخليهش يتكرمل يكون ابيض و نزيدلو البنان و التفاح مقطعين صغار و نخليهم ينقلاو فالسكر كي نشوفهم ذبالو نمرسهم بالفرشيطة حتى نتحصل على عصيدة ثم نضيفلها الزبدة و نطفي عليها و نبقى نخلط حتى تذوب الزبدة و نفرغها في صحن و نخليها تبرد
- 5
نحضرو الشاربات ندير الماء و السكر و شريحة البرتقال بارد في بارد و نحطهم فوق نار متوسطة نحسب 10 دقائق بعد الغليان و نطفي
- 6
نحضر كريمة الشونتيي ندير الماء و غبرة الشونتيي بارد في بارد و نطلعهم بالباتور مليح و ندخلها للثلاجة تشد روحها
- 7
كي تبرد الكيكة نقسمها على 2 ناخذ ألجزء 1 و نشربو بالشاربات مليح و نحط فوقو طبقة رقيقة من كريمة الشونتيي و نزيد فوقها عصيدة الفواكه و نزيد فوقها كريمة الشونتيي و نحط فوقها الطبقة 2 و نشربها بالشاربات و نحط فوقها عصيدة الفواكه و نغلف الكيكة بكريمة الشونتيي مالفوق و من الجوانب و نزينها مالفوق بوردات من الشونتيي و الفواكه مقطعة كما هو موضح في الصورة (الفاكهه ندهنها مالفوق بالشاربات باش ما تكحالش) و نرشها مالفوق بالكاكاو
- 8
و شهية طيبة و إنشاء الله تعجبكم و شكرا
Keywords
وصفات مشابهة
وصفات ننصحك بمشاهدتها
التعليقات