نجيب طنيجرة نحط عليها الزيت ونجيب البصلة بعد ماكنت قشرتها وغسلتها نقطعها الى شرائح رقيقة ونحط الصدر نتاع الدجاج والزيت والملح والتوابل والورقة نتاع الرند والمعدنوس نحط على النار ونخليه يتحمس ثم نمرقو ونخايه يطيب

من جهة اخرى نجيب البطاطا على حسب افراد العائلة بعد مانكون قشرتها وغسلتها نقطعها دائر ونحط عليها الملح ونقليها كتطيب نستفها في الصينية خاص بالغراتان بعد ماطيب المرق نتاعي نحي الجاج نفتو ونحطو فوق البطاطا نروح للمرق نتاعي نحط عليه ماعقة كبيرة زبدة ونصف كاس حليب ونكون حطيت في صحن ملعقة كبيرة فرينة وشوية ماء نخلطو حتى تذوب الفرينة ونفرغو على الخليط نتاع المرق ونخليه حتى يعقد ونفرغو فوق البطاطا والجاج

ونحط عليهم الفرماج لمتوفر عندك وندخلو للفرن نخليه حتى يطيب ملتحت ونزيد نشعلو ملفوق حتى يحمار ونقدمو شهية طيبة