السفة المدفونة
إفتح في تطبيق كوكبادالخطوات
- 1
كنديرو الدجاج فالكوكوط ونزيد عليه زيت وربيع وتومة والتوابل وسمن والبصلة وعود قرفة ونشحر كلشي مزيان ونروي بالماء الكافي باش اطيب دجاج باش تكون المرقة خاترة ونسد على دجاج اطيب
- 2
منين اطيب دجاج نحيدوه ونخليوه اتسقطر ونفرتتوه بحال الى بغينا نديرو البسطيلة
- 3
ندهن السفة الشعيرية بزيت ونديروها تفور مزيان تقريبا نصف ساعة ونخويوها فالقصرية ونكبو عليها ماء طايب ونحركو ومنين تتشرب الماء طايب نصفيوها فشي شبكة ونردوها تفور المرة تانية ونرشها بالماء مزيان ونخلوها تشرب وندرلها الملحة و2 ملاعق زبدة وزبيب مرطب في الماء
- 4
ونردوها تفور المرة الثالثة والأخيرة ومنين نبغيو نقدموها نقلبها فالقصرية ونعاود ليها شوية زبدة وسكر من الوسط باش دوب مع السخونية نخليوها 5 دقائق ونحلوها
- 5
نحط نصف كمية الشعيرية فطبسيل وندير دجاج مع شوية دغميرة في الوسط ونغطي بالشعيرية ونزين باللوز مهرمش وخطوط سكر والقرفة والمشماش معسل والتزيين حسب رغبة
- 6
بالصحة والراحة.
كلمات ذات صلة
وصفات مشابهة
وصفات ننصحك بمشاهدتها
التعليقات (6)