فالمرحلة الاولى ضفت السكر و الزيت و الحليب و عصير البرتقال مع بعض و خلطتهم بالباتور مليح ام باعد ضفت البيض مع فانيليا و خلطتهم مليح و بديت نضيف في الفرينة تدريجيا مع خميرة الحلوى و نخلط حتى نتحصل على خليط متجانس و متماسك

و هنا ندهنو المول بالزيت و نرش عليه القليل من الفرينة (طحين) و نضيف الخليط و نديرو يطيب (يستوي) بالفرن على نار هادئة

و هنا نخدم الشاربات نحط كأس من السكر و 2 كأس من الماء مع شرائح البرتقال و نخليهم يتغلاو مليح مدة من 5 الى 10 دقائق

و هنا بعد ماطابت خليها تبرد شوية ام باعد درتلها الشاربات لي كنت خدمتها و ضفتلها الشوكولاته ڨلاصي كإضافة من عندي فقط نتمنى تعجبكم و تشجعوني