اولا المكونات كلها منحضرها متل منو مكتوب عالعلبة و انتوا بتتحكموا بالكمية انا الكمية يلي عاملتها كمية بتعمل صينية صغيرة

اول طبقة منحضر الجيلو و فينا نحط بقلبه قطع فريز (عملت ٢ باكيت جيلو نباتي)

بس يبرد الجيلو او يجمد لو ما برد عالأخير نضع طبقة بسكويت سادة او كعك الهوا

بعدين منعمل الكاسترد ، انا عملت ٣ كبايات حليب حطيت علين ٣ ملاعق كاسترد و ٦ ملاعق سكر و ٣ ملاعق كاكاو(فيكن ما تحطوا كاكاو اذا بتحبوه على فانيليا)خلطتهن على البارد بعدين حطيتن على النار ليجمدوا.و بس تفتر او تبرد منحكها فوق طبقة البسكويت

لبينما يبرد الكاكاو منعمل طبقة الكريمة(لكل ظرف بودرة الكريمة نص كوب حليب بارد)بس نخفقهم منيح منحطهم فوق الكاسترد

منزين الوجه بالفريز و منحطها بالبراد لتبرد تمام و بالهناء و الشفاء