طبقة الجينواز
بواسطة خلاط كهربائي نخفق 5 بيضات + الملح حتى يطلع، ثم نضيف قليل من المعدنوس + الزعيترة + كيس خميرة كيميائية + 5 م.ك فرينة حتى يتجانس الخليط مع التقليب ببطئ، فيالاخير نضيف مل.ك زيت زيتون. نفرغ الخليط على ورق الطهي في البلاطو بسمك رقيق، نحطوها في الفرن على 160 لدقائق. لما تنشف وتطهى نقطعها بالمول تاع السارسو المربع طول ضلعه 20سم حتى تخرجي 3 طبقات.

الحشو :
600 غ جبن طري نقسمه على 4 وكل ربع نخلطه مع أحد هذه الأمور حتى تتكون معنا طبقات الحشو الأربعة: لحم مفروم طايب / 2 علب تونة بالطماطم / سلق او شليطة / كومومبار (اختياري). في المول المربع نضع طبقة من الجينوار ثم ندهن فوقها احدى الحشوات ونكمل على هذا المنوال حتى اخر طبقة حشو والتي هي جبن + كومومباروتوضع فالثلاجة. اما فيما يخص القلاصاج ميروار نحتاج :

في كاسرونة نضع كاس الماء +ملعقة نشاء على النار في نفس الوقت نحطو ورقة الجيلاتين في ايناء مع شوية ماء بارد باش تطرى ثم نضيفها مع الماء الساخن و النشاء و نخلط حتى تذوب. نضيف الزعفران + الجزر المسلوق، نحرك حتى نتحصل على خليط متماسك. نصفيها مع اضافة قليل من (الملون الاحمر) نفرغها على المملحة طبقة رقيقة. نرجعوها حتى تبرد. التزين: وريدات بالكريم فراش او الخضر مع قطع زيتون/ ماييس/ورق معدنوس وشهية طيبة ⁦❤️⁩