إفتح في تطبيق كوكبادالخطوات
- 1
بنستخدم لهالوصفه صينيه حجم متوسط استخدمت البايركس الوسط قياسه تقريبا ٣٠ ب١٠ سم
بندهنه زبدة وبنغلفه بورقتين من ورق الزبده
وبنشغل الفرن على درجة حرارة ١٨٠ - 2
بنخفق السكر مع البيض الي لازم يكون بحرارة الغرفه لبين ما يصير متل الكريمه وبنضيف الفانيلا
- 3
بنذوب الشوكلاته الخام والحبيبات مع الزبده بالميكرويف وبننتبه منيح ما تنحرق الشوكلاته التكنيك لازم يكون ١٠ ثواني ويطلع الصحن بره الميكرويف ونخلط المكونات شوي ونرجعه اخد معي بس ٣٠ ثانيه وبعد ما تذوب الشوكلاته وتنخلط منيح مع الزبده بنضيف النوتيلا وبنحركها منيح
- 4
بعدها بنضيف خليط البيض والسكر عليهم وبنحرك من فوق لتحت بشكل دائري وبحركة خفيفه لبين ما يمتزجو سوا ويصيرو لون واحد
- 5
بعدها بنضيف الطحين مع رشة الملح والكاكاو الباودر وبنحرك بنفس التكنيك من فوق لتحت اول ما يتلاشى الطحين بنوقف
- 6
بنصبها بالصينيه على ورق الزبده وبندخلها الفرن لمدة ٤٠ دقيقه بالقالب البايركس وبالقوالب التانيه بتوخد وقت اقل يفضل بعد النص ساعه نطل عليها بتضلها من جوا طريه وهشه ومن الجوانب كرسبي لما بتستوي اذا غرزنا فيها عود اسنان بيطلع نضيف وما في داعي للتحمير
- 7
ضروري نتركها تبرد عالآخر اذا بدنا شكل التقطيع يطلع مرتب وبنقطعها بسكينه حاده وبضربه وحده وصحتين
وصفات مشابهة
وصفات ننصحك بمشاهدتها
التعليقات (2)