في طنجرة ديري ملعقة زبدة و2ملاعق زيت وحبة بصل مقطعة دريلها نصف مكعب جامبو فلفل أسود قرفة سكنجبير (زنجبيل) قليهم مليح بعدما تقليها دريلها الماء وخليه يطيب (يستوي) كي يطيب (يستوي) مكسيه

الحكمي السلق نقية وقطعيه وديريه في طنجرة فيها ملعقة زبدة و2ملاعق زيت وديريه يتقلا حتى يذبل وينشف من الماء تعه

احكمي البطاطا قطعها دوائر وقليها في مقلاة ديري ملعقة زبدة و2ملاعق زيت وحبة بصل مقطعة رقيق ديريها تتقلا مع كل التوابل كي تتقلا مليح حطي عليها دجاج مفروم خليهم حتى يطيبو

بعدما يطيب (يستوي) كل من السلق البطاطا صلصةالبصل والدجاج مفروم الحكمي طبسي تع غراتان ديري طبقة من الصلصةالبصل وطبقة بطاطا وطبقة آخر من الصلصة وطبقة من السلق وطبقة من دجاج مفروم (كل ما ديري طبقة من البطاطا المقلية ضفيلها طبقة من الصلصة البصل) بعد ما تكملي كمل الطبقات في طبسي اخر فقسي البيض والصلصة المتبقية خلطهم مليح ورميها فوق الغراتان وديريه في الفرن حتى وينشف هداك البيض وتكلية بالصحة وعافية